Բանավեճի բանաձեւ blog.banadzev.com-ից

Բանավեճի բանաձեւ.

Երբ դեռ <<Բանաձեւ>> չէի եկել, իմ ամենասիրած բլոգը blog.banadzev.com-ն էր: Ամեն օր մտնում էի, կարդում, հետո գրում, բանավիճում: Եկա <<Բանաձեւ>> ու էլի ոչ մի բան չփոխվեց` կրկին կարդում եմ գործընկերներիս գրածները, գրում եմ ու բանավիճում: Այս ամբողջ ընթացքում նկատել եմ մի օրինաչափություն, որը ոչ միայն հատուկ է մեր ընթերցողների, այլ մեր հայրենակիցների մոտ. մենք չենք սիրում կամ չենք կարողանում բանավիճել` լինի տանը, փողոցում, աշխատանքի վայրում, թե ինտերնետում:

Երբ մեկը այլ կարծիք է հայտնում, որի հետ մենք համաձայն չենք, դնում ու <<քլնգում>> ենք այդ կարծիքի հեղինակին: Մենք չենք բանավիճում, մենք կռվում ենք, իսկ դրանք սարսափելի տարբեր բաներ են: Ես ինտերնետը փորփրել ու հայտնաբերել եմ բանավեճի 10-ը կանոն: Կարծում եմ` օգտակար կլինի բոլորիս համար ու այսքանից հետո գոնե այս բլոգում առողջ բանավեճ կկազմակերպենք` առանց վիրավորելու ու առանց հեգնելու:

ԲԱՆԱՎԵՃԻ 10 ՊԱՏՎԻՐԱՆՆԵՐԸ`

1. Բանավեճը պետք է դիտել փոխհարգալից միջավայրում մտքերի կառուցողական փոխանակում:


2. Բանավեճը ոչ միայն արտահայտվելու, այլեւ դիմացինին համոզելու միջոց է. բանավիճողի հիմնական նպատակն իր ունկնդիրներին սեփական տեսակետում համոզելն է:


3. Բանավեճի արդյունքում կողմերը պետք է փորձեն հասնել ընդհանուր, փոխշահավետ եւ ընդունելի որոշման:


4. Հարգալից եւ քաղաքավարի վերաբերմունք ցուցաբերել հակառակորդի եւ լսարանի նկատմամբ:


5. Պնդումները պետք է պաշտպանել համապատասխան փաստերով: Ցանկացած բանավիճող պետք է տիրապետի փաստերի մեջբերման էթիկային:


6. Բանավեճը պետք է լինի նյութերի հավաքագրման եւ դրանց միջոցով փաստարկների ձեւակերպման արդյունք:


7. Սեփական դիրքորոշման մշակման հետ զուգահեռ անհրաժեշտ է նաեւ ծանոթանալ հակառակորդ կողմի դիրքորոշման առավելություններին եւ թերություններին:


8. Քննադատությունը չպետք է դիտել փաստարկների ուղղակի ժխտում. այն կոչված է զտելու փաստարկը սխալներից` դարձնելով այն առավել ուժեղ եւ համոզիչ:


9. Անկախ տարակարծության աստիճանից` հարկավոր է համբերությամբ լսել եւ հանդուրժողական վերաբերմունք ցուցաբերել մյուսների արտահայտած կարծիքների վերաբերյալ:


10. Բանավեճը եւ քննարկվող հարցը պետք է չանձնականացնել. այն ոչ թե միջանձնային, այլ զուտ գաղափարային հակադրություն է:

 

Penulis : Unknown ~ Sebuah blog yang menyediakan berbagai macam informasi

Artikel Բանավեճի բանաձեւ blog.banadzev.com-ից ini dipublish oleh Unknown pada hari . Semoga artikel ini dapat bermanfaat.Terimakasih atas kunjungan Anda silahkan tinggalkan komentar.sudah ada 10 komentar: di postingan Բանավեճի բանաձեւ blog.banadzev.com-ից