Անբաժան ավանդական

Կյանքում շատերս ենք ներկա գտնվել խնջույքների, միջոցառումների, ուր մարդիկ ուտում, խմում, ուրախանում ու պարում են: Խոսքը այն սովորական խնջույքների, երեկույթների մասին է, ինչպիսիք են հարսանիքները, ծննդյան խնջույքները եւ այլն: Երբ հայերը մի լավ ուտում են ու խմում, այդ ժամանակ նրանց “քեֆերը միլիոն ա” լինում եւ սկսում են մինչեւ ոտքի վրա կանգնել չկարողանալը պարել: Բոլորս էլ տեսած կլինենք, թե ինչպես են պարում հայերը: Անպայման խնջույքների ժամանակ պետք է մի զույգ` աղջիկ ու տղա, լինի, որը մի այլ կերպ է պարում: Երեւի բոլորից լավ: Համենայն դեպս, ընդհանուր ֆոնի վրա այդպես է թվում: Մնացած բոլոր կանայք ու աղջիկները պարում են նույն ձեւ` անիմաստ շարժելով դաստակներն ու ոտքերը անկապ հետ ու առաջ են անում: Մի հատ էլ տատի է լինում, որին համոզում եւ բերում են նույն ձեւով պարելու: Հիմա տղամարդկանց մասին: Տղամարդիկ էլ խմում ու պարում են այնքան, մինչեւ իրենց գլխի քրտինքը հասնում է գուլպաներին /գրական միայն այս բառն էի հիշում/: Նրանք էլ են անում նույն շարժումները. ոտքերը առաջ ու հետ են անում եւ ձեռքերով ծափ են տալիս, մատներով` ճտցնում: Այսքան միօրինակությունը բավական չէ, մի հատ էլ ավանդական քոչարի են պարում, որի ժամանակ էլ դժվար թե որեւէ մեկը տեսած լինի, որ բոլորը իրենց քայլերը հավասար անեն ու պարը ճիշտ ստացվի: Միշտ մի քանի հոգի խառնում են աջն ու ձախը:

Այս ամենը մեզանից անբաժան է, ուզենք, թե չուզենք եւ այն հատուկ է միայն մեր տարածաշրջանին:

 

Penulis : Unknown ~ Sebuah blog yang menyediakan berbagai macam informasi

Artikel Անբաժան ավանդական ini dipublish oleh Unknown pada hari . Semoga artikel ini dapat bermanfaat.Terimakasih atas kunjungan Anda silahkan tinggalkan komentar.sudah ada 13 komentar: di postingan Անբաժան ավանդական